Шетелдік білім беру ұйымдары берген білім туралы құжаттар Қазақстан Республикасының заңнамасында белгіленген тәртіппен танылады. ҚазҰУ-ға ақылы негізде оқуға түсетін шетел азаматтары Қазақстан Республикасы Білім және ғылым министрінің 2018 жылғы 31 қазандағы № 600 бұйрығымен бекітілген Үлгілік қағидаларға сәйкес мынадай құжаттарды ұсынады:

• ұйым басшысының атына еркін нысанда жазылған өтініш;
• таңдалған білім беру бағдарламасы алдыңғы білім деңгейіне сәйкес келмеген жағдайда, пререквизиттерді ақылы негізде оқуға арналған белгіленген үлгідегі өтініш;
• білім туралы құжат:
  • бакалавриат үшін — орта білім туралы аттестаттың қосымшасымен бірге түпнұсқасы және оның қазақ немесе орыс тіліне нотариалды куәландырылған аудармасы — 2 дана;
  • магистратура үшін — бакалавр дипломының қосымшасымен бірге түпнұсқасы және оның қазақ немесе орыс тіліне нотариалды куәландырылған аудармасы — 2 дана;
  • докторантура үшін — магистр дәрежесін беру туралы құжат пен бакалавр дипломының түпнұсқалары, сондай-ақ олардың қазақ немесе орыс тіліне нотариалды куәландырылған аудармалары — 2 дана;
• шетелдік паспорттың қазақ немесе орыс тіліне нотариалды куәландырылған аудармасы — 2 дана;
• соңғы 6 айда түсірілген 3 × 4 см көлеміндегі 2 түрлі түсті фотосурет;
• № 075/У нысанындағы медициналық анықтама; Қазақстанға келгеннен кейін флюорографиялық суретті, АИТВ-инфекциясының жоқтығы туралы анықтаманы, психоневрологиялық ұйымнан анықтаманы және профилактикалық екпелер картасының көшірмесін қоса беру қажет;
• Қазақстан Республикасының аумағында жарамды медициналық сақтандыру полисі; ол елге келген кезде ұсынылады;
• шетел тілін меңгеру деңгейін Жалпыеуропалық құзыреттерге сәйкес растайтын халықаралық сертификат — бар болған жағдайда. «Денсаулық сақтау» саласындағы білім беру бағдарламалары үшін мұндай сертификат міндетті;
• ғылыми және ғылыми-әдістемелік жұмыстардың тізімі — бар болған жағдайда.

Білім туралы құжат басқа мемлекетте пайдаланылған кезде, соның ішінде шетелдік жоғары оқу орнына түсу үшін, апостиль қою немесе консулдық заңдастыру талап етіледі. Бұл рәсімдер құжаттың шет мемлекет аумағындағы түпнұсқалығын растайды.

Құжаттарды мына тәсілдердің бірімен тапсыруға болады:

• университеттің онлайн-платформасы арқылы: welcome.kaznu.kz;
• ҚазҰУ қабылдау комиссиясына жеке өзі;
• сенімхат бойынша өкіл арқылы;
• электрондық пошта арқылы: international@kaznu.kz;
• шетел азаматтарын ҚазҰУ-ға оқуға іріктеу және жіберу жөнінде университетпен ресми шарты бар рекрутингтік ұйым арқылы.

Иә. Талапкер білім туралы құжаттың қосымшасымен бірге түпнұсқасын және оның қазақ немесе орыс тіліне нотариалды куәландырылған аудармасын — 2 данадан ұсынады.

Құжаттарды тапсырған сәтте паспорттың жарамдылық мерзімі 18 айдан астам болуы тиіс.

Қазақстан Республикасына келгеннен кейін № 075/У нысанындағы медициналық анықтаманы алу және флюорографиялық суретті, АИТВ-инфекциясының жоқтығы туралы анықтаманы, психоневрологиялық ұйымнан анықтаманы және профилактикалық екпелер картасының көшірмесін қоса беру қажет.

Халықаралық тіл сертификаты бар болған жағдайда ұсынылады. «Денсаулық сақтау» саласындағы білім беру бағдарламалары үшін мұндай сертификатты ұсыну міндетті талап болып табылады.

Құжаттар 15 мамырдан 20 тамызға дейін қабылданады.

Жоқ, тіркеу жарнасы алынбайды.

Онлайн-өтінімдер бір апта ішінде қаралады.

Құжаттардың толық топтамасы ұсынылған жағдайда, техникалық хатшы талапкермен байланысып, кейінгі әрекеттер туралы хабарлайды.

Шетел азаматтарын бакалавриат бағдарламалары бойынша ақылы оқуға қабылдау талапкердің орта білім деңгейіне сәйкес келетін бейіндік пәндер бойынша алдын ала іріктеу нәтижелерімен жүргізіледі. Магистратура мен докторантураға түсетін шетелдік талапкерлер алдын ала іріктеудің бір кезеңінен — ауызша әңгімелесуден өтеді.

Алдын ала іріктеу екі кезеңнен тұрады:

1. тиісті платформада жалпы білім беретін пәндер бойынша тестілеу;
2. оқыту тілін меңгеру деңгейін анықтайтын тестілеу.

Емтихан талапкер оқу үшін таңдаған тілде өткізіледі.

Жоқ, емтиханды қайта тапсыруға жол берілмейді.

Бірінші кезеңнен сәтті өту үшін кемінде 65 балл жинау қажет.

Ағылшын тілінде оқытылатын бағдарламалар үшін 30 сұрақтың кемінде 21-іне дұрыс жауап беру қажет. Орыс немесе қазақ тілінде оқытылатын бағдарламалар үшін 30 сұрақтың кемінде 15-іне дұрыс жауап беру қажет.

Ғылыми-педагогикалық бағыттағы магистратураға (2 жыл) түсу үшін кемінде 75 балл, ал бейіндік магистратураға (1–1,5 жыл) түсу үшін кемінде 50 балл жинау қажет.

Докторантураға түсу үшін 100 балдың кемінде 75-ін жинау қажет.

Оқу ақысының өзекті мөлшері университет сайтында жарияланған: [сілтеме].

Шартқа қол қойылған күннен бастап талапкер 5 күнтізбелік күн ішінде жылдық оқу ақысының 100%-ын төлеуі тиіс.

Жеңілдіктер мен гранттар туралы ақпарат мына сілтеме бойынша қолжетімді: [сілтеме].

Төлемді ішкі аударымдарға арналған деректемелер бойынша теңгемен немесе SWIFT жүйесі арқылы халықаралық деректемелер бойынша АҚШ долларымен жүргізуге болады.

Оқу ақысын шартқа қол қойылғаннан кейін 5 күнтізбелік күн ішінде төлеу қажет.

Иә.

Оқуға қабылдау туралы бұйрық шыққаннан кейін талапкер оқу визасын алуға шақыру рәсімдеу үшін қажетті құжаттарды тапсырады.

1. жарамдылық мерзімі кемінде екі жыл болатын паспорттың көшірмесі;
2. Қазақстан Республикасының 2017 жылғы 25 желтоқсандағы «Салық және бюджетке төленетін басқа да міндетті төлемдер туралы» кодексіне сәйкес 0,5 АЕК мөлшерінде мемлекеттік баждың төленгенін растайтын құжат;
3. белгіленген үлгідегі визалық сауалнама.

Оқу визасы бір жылға дейінгі мерзімге беріледі.

Шақыру немесе визалық қолдау оқуға қабылдау туралы бұйрық шыққаннан кейін бір ай ішінде рәсімделеді.

Иә. Оқуға қабылданған шетел азаматтары ҚазҰУ-ға келгеннен кейін 2 жұмыс күні ішінде көші-қон есебіне қою үшін қажетті құжаттарды қабылдау комиссиясына ұсынуға міндетті.

ТМД елдерінің азаматтарына оқу мақсатындағы уақытша тұруға рұқсат рәсімделеді.

Құжаттар Интернационалдандыру және рекрутинг департаментінің Виза орталығына, 7 және 102-кабинеттерге тапсырылады.

Оқу визасымен жұмыс істеуге қатаң тыйым салынады.

Иә. Оқуға қабылданған кезде шетел азаматы міндетті дактилоскопиялық тіркеуден өтуі тиіс. Рәсім университет орналасқан жерде өткізіледі.

Шетелдік білім алушы өзімен бірге паспорттың түпнұсқасын алып келуі тиіс. Қазақстан Республикасының «Дактилоскопиялық және геномдық тіркеу туралы» заңына сәйкес ТМД елдерінің азаматтарына қосымша ЖСН қажет.

Әл-Фараби атындағы ҚазҰУ-дың құрамында 14 жатақханасы бар студенттер қалашығы (ҚазҰУград) бар. Студенттерге университет тексерген серіктес хостелдер де қолжетімді.

Тұру құны бөлме түріне байланысты. Өзекті тарифтерді жатақханаға орналасу кезінде деканаттан нақтылау қажет.

Бірінші курс студенттері өтінімді қабылдау комиссиясы немесе факультет арқылы, ал жоғары курс студенттері «УНИВЕР» жүйесіндегі жеке кабинеті арқылы береді.

Оқу қазақ, орыс және ағылшын тілдерінде жүргізіледі.

Университетте жоғары оқу орнына дейінгі білім беру факультеті, сондай-ақ факультеттер жанындағы тіл орталықтары жұмыс істейді.

Студенттерді каникул уақытында ауыстыру мәселесімен Студенттер офисі айналысады. Кеңес алу үшін info@kaznu.kz электрондық поштасына хабарласу қажет.

Иә. Оқуға қабылданған кезде шетел азаматы ЖСН — жеке сәйкестендіру нөмірін алуы тиіс. Ол тұлғаны сәйкестендіру және оның деректерін мемлекеттік ақпараттық жүйелерге енгізу үшін пайдаланылады.

ЖСН алу үшін «Азаматтарға арналған үкімет» мемлекеттік корпорациясының ХҚКО-сына өтініш беру немесе электрондық үкіметтің egov.kz веб-порталын пайдалану қажет.