«Білім берудегі жасанды интеллект технологиялары: инновациялар мен қолдану жолдары (ТДМ 4, 9, 17 аясында)» біліктілікті арттыру

2026 жылғы 13–21 сәуір аралығында әл-Фараби атындағы Қазақ ұлттық университеті базасында, Ақпараттық технологиялар және жасанды интеллект факультеті, Жасанды интеллект және Big Data кафедрасының ұйымдастыруымен жоғары оқу орындарының оқытушыларына арналған «Білім берудегі жасанды интеллект технологиялары: инновациялар мен қолдану жолдары (ЦУР 4, 9, 17 аясында)» атты 72 академиялық сағаттық біліктілікті арттыру курсы табысты өтті.

Курс өткізушілер – кафедра оқытушылары Зиятбекова Гулзат Зиятбекқызы және Базарбек Жания Пархатқызы. Бағдарламаға Алматы технологиялық университеті оқытушылары қатысып, білім беру үдерісіне жасанды интеллект құралдарын енгізудің практикалық тәсілдерін меңгерді.

Курстың мақсаты

Курстың негізгі мақсаты – тыңдаушыларға білім беру процесінде жасанды интеллект (ЖИ) құралдарын тиімді қолданудың инновациялық идеяларын қалыптастыру және оларды оқу-әдістемелік қызметке трансформациялау дағдыларын дамыту. Бағдарлама мазмұны заманауи цифрлық білім беру трендтеріне сәйкес әзірленіп, оқытушылардың кәсіби құзыреттілігін арттыруға бағытталды.

Курстың міндеттері

Курс аясында қатысушылар:
– білім берудегі ЖИ ұғымдары мен даму бағыттарын талдады;
– оқытудың жеке траекторияларын құруда ЖИ мүмкіндіктерін қолданды;
– білім беру мәселелерін анықтап, оларды ЖИ негізінде шешу жолдарын қарастырды;
– MVP әзірлеу қағидаларын меңгерді;
– жобаларды таныстыру (pitch) және іске асыру дағдыларын дамытты.

Курстың мазмұны

Бағдарлама теориялық және практикалық сабақтарды қамтыды:
– білім берудегі интеллектуалды жүйелер;
– инновациялық оқыту модельдері;
– генеративті ЖИ (LLM) және мәтіндік деректер;
– adaptive learning платформалары;
– Big Data және білім беру аналитикасы;
– ЖИ этикасы және алгоритмдік әділеттілік;
– білім беру стартаптары және цифрлық инновациялар;
– жобаларды қорғау (pitching).

Сонымен қатар, 40 сағаттық онлайн өзіндік жұмыс барысында қатысушылар нақты жобалар әзірледі.

Күтілетін нәтижелер

Курс соңында тыңдаушылар:
– білім берудегі инновациялық стартаптардың қағидаларын түсінеді;
– педагогикалық идеяларды технологиялық жобаларға айналдыра алады;
– оқу мәселелерін талдап, мақсатты аудиторияны анықтайды;
– MVP әзірлеу және тестілеу әдістерін қолданады;
– командада жұмыс істеу дағдыларын дамытады.

ЦУР аясындағы маңызы

Курс мазмұны Біріккен Ұлттар Ұйымы бекіткен Тұрақты даму мақсаттарымен (ЦУР) тікелей байланысты:

– ЦУР 4 – Сапалы білім: білім беру сапасын арттыру, цифрлық және педагогикалық құзыреттерді дамыту;
– ЦУР 9 – Индустрия, инновациялар және инфрақұрылым: инновациялық білім беру шешімдерін енгізу және цифрлық инфрақұрылымды дамыту;
– ЦУР 17 – Серіктестік арқылы даму: жоғары оқу орындары арасындағы академиялық ынтымақтастықты нығайту.

Осылайша, курс білім беру жүйесінің цифрлық трансформациясына, инновациялық ойлауды қалыптастыруға және халықаралық білім беру стандарттарына сәйкес келетін кадрларды даярлауға ықпал етеді.

Қорытынды

Аталған курс педагогтардың кәсіби дамуына, білім беру үдерісіне жаңа технологияларды енгізуге және заманауи білім беру экожүйесін қалыптастыруға бағытталған маңызды бастама болды. Қатысушылар алған білімдерін өз тәжірибесінде қолдана отырып, білім беру сапасын арттыруға және цифрлық қоғам талаптарына жауап беретін жаңа буын мамандарын даярлауға үлес қосады.