Цифрлық трансформация жағдайындағы мұрағат ісі: Алматыдағы халықаралық конференцияның қорытындысы

2026 жылғы 30 сәуірде Алматы қаласында «Цифрлық трансформация жағдайындағы архив ісінің мәселелері» атты халықаралық ғылыми-тәжірибелік конференция өтті.

Іс-шараға Қазақстан, Польша, Ресей, Қытай, Малайзия, Әзірбайжан, Өзбекстан және Қырғызстанның мұрағат саласының жетекші мамандары, сондай-ақ жоғары оқу орындарының оқытушылары, докторанттар мен магистранттар қатысты.

Конференция барысында мұрағат ісін цифрландыру, заманауи ақпараттық технологияларды енгізу және жасанды интеллектті қолдану мәселелері талқыланды. Сонымен қатар, қатысушылар цифрлық трансформация жағдайында кадрларды даярлау, тарихи мұраны сақтау және цифрлық қауіпсіздікті қамтамасыз ету мәселелерін қарастырды.