PolyU университеті вице-президентінің орынбасары Джеффри Шэньнің ҚазҰУ музейіне сапары

Әл-Фараби атындағы ҚазҰУ музейіне Гонконг политехникалық университеті  вице-президентінің орынбасары Джеффри Шэнь келді.

Сапар барысында қонақ университет тарихымен, ҚазҰУ ғылыми мектептерінің жетістіктерімен және ғылым мен халықаралық білім беру саласындағы заманауи бағыттармен танысты. Кездесу кезінде инновациялар, академиялық ұтқырлық және ғылыми ынтымақтастық жобаларына ерекше назар аударылды.

Гонконг политехникалық университеті (PolyU) - Азиядағы жетекші жоғары оқу орындарының бірі. Университет инженерия, жасанды интеллект, тұрақты даму және қолданбалы ғылымдар саласындағы зерттеулерімен танымал.

Кездесу ҚазҰУ мен PolyU арасындағы ғылыми және академиялық ынтымақтастықты нығайтуға мүмкіндік берді.